Kahulugan ng mga bulaklak

Nakakikilig at napakaromantiko kung makatatanggap ang isang babae ng isang pumpon ng mga bulaklak. Nakapapawi ng lungkot at pagkaminsan, ng pagkabugnot. Ngunit alam ba ninyo na ang bawat bulaklak ay mayroong itinatagong kahulugan?

Tulips. Bibihirang ibigay ang tulips bilang handog dahil sa napakamahal na presyo nito. Ang pulong tulip ay nangangahulugan diumano ng wagas na pag-ibig o pagmamahal. Pagpuri naman sa isang napakaganda o napakatamis na ngiti, ang kahulugan ng dilaw. Kapag niregaluhan ka ng isang pumpun ng tulips na iba’t ibang kulay, hangad ng nagbigay ang iyong kaaliwan.

Gustong gumaan ang buhay? Magprayorisa

Minsan ang buhay, parang ang gulu-gulo. Maaring bunga ang pananaw na ‘yan ng iyong kasalukuyang mood, o dumaranas ka ng pagkabagabag o kaya naman, talagang sala-salabat lang ang iyong problema at gawain sa buhay.

Sabi ni Dr. Dean F. MacKinnon, isang psychiatrist mula sa Johns Hopkin University’s School of Medicine, upang hindi “mahilo” sa mga gawain o sa mga bagay na kinakailangan mong asikasuhin sa araw-araw, dapat matuto kang magsuri: Ano ba sa kanila talaga ang mahigpit na nangangailangan ng iyong agarang atensiyon?

Ilang weird na pamamaraan para lumusog ka

Mayroong mga araw na parang tamad na tamad tayong kumilos. Walang masama roon (malibang maging gawi na natin); kailangan din kasi ng katawan natin magpahinga.

Ang ating katawan, parang personal computer (PC) kailangan ding mag-“reboot” paminsan-minsan. Kung parang tinatamad, ayos lang na maupo lamang sa iyong couch, kumain ng paboritong biskwit na tinernuhan ng umuusok na kape o tsaa o maging chocolate drink.

just meditating

I've been a reporter for almost a decade now. I've started during the early 2000 and then here I am, still an unnoticed but still pursuing newspaperman. 

During my six-year stint in Pinoy Weekly as a reporter then editor, I have been writing about alternative medicine and Eastern health practices. Mostly, I have rewritten some articles coming from different journals, newspapers, and of course, blogs.

Now, I am back in circulation, writing same kind of stuff; as my contribution to the healthy debate on health and wellness, and in health care. I am no doctor, I have to admit but as a semi-health buff, I am also concerned with the health of my fellow.

By the way, I still write health features in Pinas, an international tabloid in Filipino.

Second-hand smoke, nakasisira ng ngipin ng bata

Isang pananaliksik sa Chicago, IL ang nag-uugnay sa second-hand smoking o pagkalanghap ng usok sa sigarilyo at pagkasira o pagkabulok ng ngipin ng mga bata. 

Ayon sa mga eksperto, karaniwang inaatake ng second-hand smoking ang tinatawag na milk teeth o baby teeth ng mga bata, na kalaunan ay dumudulo sa tuluyang pagkasira maging ng kanilang permanent teeth. 

Natural na solusyon sa pambibig na impeksiyon

Namamagang gilagid at bibig? Mayroong gamot si Inang Kalikasan diyan. 

Mahusay na gamot para sa namamagang gilagid ang simpleng asin. Ihalo lamang sa maligamgam na tubig at ipangmumog ito ng tatlong beses maghapon. Maaari rin itong gamiting pang-gum massage matapos na magmumog. Huwag nga lamang masyadong diinan at baka tuluyang magdugo ang gilagid.

Pagkabagabag: sanhi at lunas

Parang laging takot sa anumang maaa ring mangyari? Natatakot subalit hindi naman nalalaman kung ano ang nagdudulot sa iyo ng takot? Anxiety ‘yan o pagkabagabag sa Tagalog.

Ayon sa mga eksperto, nakadaragdag sa stress ang pagkabagabag. Iba-iba ang maaaring dahilan nito: parmasyutikal o may kinalaman sa iniinom mong gamot o kaya naman, sa lagay ng iyong kalusugan at pag-iisip.